Gjaldeyrir.is er þjónustuvefur þar sem þú getur með einföldum hætti pantað gjaldeyrinn fyrir ferðina þína. Pöntunin bíður þín svo í útibúi Arion banka í brottfararsalnum í Flugstöð Leifs Eiríkssonar þar sem sérstakur þjónustufulltrúi annast afgreiðslu gjaldeyrisins svo allt gangi eins hratt og kostur er.

Einstaklingar með innlendan debetkortareikning geta pantað gjaldeyri á Gjaldeyrir.is, óháð viðskiptabanka umsækjanda.

Pantaður gjaldeyrir er afhentur í útibúi Arion banka í brottfararsal á annarri hæð í Flugstöð Leifs Eiríkssonar. Afgreiðslutími útibús í brottfararsal miðar við flugáætlanir í Flugstöð Leifs Eiríkssonar:

• Sumaráætlun – opið allan sólarhringinn
• Vetraráætlun – afgreiðslutími frá kl. 3:30 til kl. 20:00

Það skiptir engu máli hver þinn viðskiptabanki er. Þegar þú sendir okkur gjaldeyrispöntun skráir þú úttektarreikning eða tékkaábyrgðanúmer á debetkortinu þínu sem við skuldfærum fyrir gjaldeyriskaupunum.

Gjaldeyririnn þinn verður tilbúinn til afhendingar í útibúi Arion banka í brottfararsal Flugstöðvar Leifs Eiríkssonar tveimur tímum fyrir brottför.

Hámarksupphæð sem einstaklingur með innlendan debetkortareikning getur pantað á Gjaldeyrir.is er kr. 1.000.000. Viðskiptavinir Arion banka geta pantað hærri fjárhæð í öðrum útibúum bankans á vef Arion banka.

Við vitum að ferðalög eru skemmtileg ævintýri en þeim fylgir líka mikill undirbúningur. Þess vegna bjóðum við þér að panta ferðagjaldeyrinn með einföldum hætti á netinu svo þú þurfir ekki að bíða í röð í bankanum þínum. Þannig sparar þú tíma sem þú getur notað í að lesa þér til um áfangastaðinn eða velja veitingastaði.

Við seljum þér erlendan gjaldeyri á því sölugengi sem er í gildi þegar pöntunin er afgreidd af starfsmönnum okkar. Þegar þú pantar sérðu áætlaða greiðsluupphæð og viðmiðunargengi en athygli er vakin á að það gengi gæti hafa breyst þegar kemur að afgreiðslu. Gengið á Keflavíkurflugvelli er ekki það sama og í öðrum útibúum bankans. Sjá gengistöflu á Keflavíkurflugvelli.

Þú greiðir fyrir erlenda gjaldeyrinn á gildandi sölugengi. Ofan á þá upphæð leggst 480 kr. afgreiðslugjald, nema fyrir viðskiptavini Arion banka en þeir greiða ekki afgreiðslugjald.

Gjaldeyrir.is er skalanleg síða sem smellpassar á allar skjástærðir, hvort sem þú notar tölvu, snjallsíma eða spjaldtölvu. Ef þú notar iPhone eða iPad getur þú sparað þér enn meiri tíma með því að vista flýtileið beint á skjáborð snjalltækisins. Það er gert með því að opna Safari vafrann og slá inn www.gjaldeyrir.is, í vafranum er smellt á og „Add to Home Screen“.

Nei, eftir breytingar á lögum um gjaldeyrismál sem tóku gildi 1. janúar 2017 eru reiðufjárúttektir ekki lengur háðar framvísun farmiða eða kvittunar vegna ferðalaga erlendis.